ბუნების ძეგლთან ყველაზე ახლომდებარე დასახლებული პუნქტია ადიგენის მუნიციპალიტეტის სოფელი ზარზმა. თბილისიდან ზარზმა დაშორებულია 240 კმ-ით; ხანგრძლივობა - 4 სთ;

მწვანე მონასტერი - მდებარეობს ბორჯომიდან 8კმ-ში, სოფ. ჩითახევში და წარმოადგენს IX საუკუნის მოქმედ მამათა მონასტერს. მონასტრამდე მისასვლელად აუცილებელია გეზის აღება ახალციხის მიმართულებით, ცენტრალური გზიდან 1 200 მეტრის გავლა შესაძლებელია ფეხით ან მსუბუქი ავტომობილით.

ვარძია - მდებარეობს ასპინძის მუნიციპალიტეტში, ბორჯომიდან 110კმ-ში. ის წარმოადგენს XII – XIII საუკუნეების კლდეში ნაკვეთ ქალაქს. ვარძიამდე მისასვლელად საჭიროა გეზის აღება ახალციხის მიმართულებით, ხოლო ახალციხიდან ასპინძის მიმართულებით. ძეგლის დასათვალიერებლად 1-დან 2 საათამდე დროა საჭირო.

რაბათი - მდებარეობს ქალაქ ახალციხეში, ბორჯომიდან 50კმ-ში. ის წარმოადგენს IX საუკუნის ციხესიმაგრეს ახალციხის ისტორიულ უბანს, რომელიც ტოლერანტობის სიმბოლოდაა მიჩნეული, აქ ერთმანეთისგან რამდენიმე ასეული მეტრის დაშორებით თქვენ შესაძლებლობა გაქვთ იხილოთ ქრისტიანული ტაძარი, ებრაული სინაგოგა და მუსლიმანური მეჩეთი. 2012 წელს რაბათის ციხეს ჩაუტარდა რესტავრაცია და დღეს ის საქართველოს ყველაზე დიდი ციხეა ფართობით.

საფარა - არის მამათა მონასტერი ახალციხის მუნიციპალიტეტში, ბორჯომიდან 60კმ. მანძილზე, ის წარმოადგენს X საუკუნის მამათა მონასტერს. საფარამდე მისასვლელად საჭიროა ახალციხის მიმართულებით წასვლა, ახალციხიდან სამხრეთის მიმართულებით კი გრუნტის გზა მიემართება საფარისაკენ. მსუბუქი ავტომობილით საფარამდე მისვლა შესაძლებელია მხოლოდ კარგ ამინდში.

ტიმოთესუბანი - მდეობარეობს ბორჯომის მუნიციპალიტეტში, ის ბორჯომიდან 17 კოლომეტრითაა დაშორებული და წარმოადგენს XII-XIII საუკუნის ეკლესიას, რომელიც შალვა ახალციხელის ხელშეწყობით აიგო. აქვე არის მიუვალ კლდეში ნაკვეთი სახლები, რომლებიც სავარაუდოდ შუა საუკუნეებისაა. ტიმოთესუბანში მისასვლელად საჭიროა ბაკურიანის მიმართულებით ტრანსპორტით გადაადგილება, სოფელ ტიმოთესუბნისაკენ გადასახვევი კი დაბა წაღვერის ცენტრშია. 

ჭულეს მონასტერი - მდებარეობს ადიგენის მუნიციპალიტეტში, ბორჯომიდან 75კმ-ში. ის წარმოადგენს XIV საუკუნის წმინდა გიორგის გუმბათოვან ტაძარს. ჭულეს მონასტრამდე მისასვლელად საჭიროა ახალციხის მიმართულებით წასვლა, ახალციხიდან კი დასავლეთ მიმართულებით ადიგენამდე მოგიწევთ მგზავრობა, ჭულეს მონასტრამდე ნებისმიერი ტიპის ავტოტრანსპორტით გადაადგილებაა შესაძლებელი.

სერაფიმე საროველის სახელობის გუმბათოვანი ტაძარი (XVIIIს.) - სოფ. სამრეკლოში. ტაძარი მდებარეობს დედოფლისწყაროს რაიონული ცენტრიდან აღმოსავლეთით 3 კილომეტრში. ტაძრამდე ავტომანქანით მისვლას სჭირდება 10 წუთი.