მარშრუტი იწყება ცხემვანის ვიზიტორთა თავშესაფრიდან, სოფ. დიდვაკეში და მიემართება დიდხნოვანი უთხოვრისაკენ, რომელიც მესამეული პერიოდის ერთ-ერთი რელიქტური სახეობაა და საქართველოს წითელ ნუსხაშია შეტანილი.
შემდეგ
მარშრუტი გრძელდება ხინოწმინდის ეკლესიის ნანგრევებისაკენ. ეს ეკლესია თავისი მშენებლობის
ტექნიკითა და ქვის წყობით მიეკუთვნება VIII-IX საუკუნეებს. ზოგიერთი კედლის ფრაგმენტი
2-3 მ-ს აღწევს. ზომების მიხედვით (18X10) შეიძლება ვიმსჯელოთ, რომ ეკლესია თავის დროზე
შედარებით დიდ ნაგებობას წარმოადგენდა.
შესვენების შემდეგ, ვიზიტორებს შეუძლიათ გზა განაგრძონ ტბიყელის ტბისაკენ, რომელიც ზღვის დონიდან 1,900-2,000 მეტრის სიმაღლეზე მდებარეობს. ტბას აქვს მოგრძო, ოვალური ფორმა და მისი სიღრმე 7-8 მეტრია. იგი საზრდოობს ატმოსფერული ნალექებით, თოვლის ნადნობითა და გრუნტის წყლებით. ტბა ზამთარში იფარება თოვლით და ყინულით, ტბაში ბინადრობს კავკასიური ტრიტონი, რომელიც წითელ ნუსხაშია შეტანილი. მარშრუტის სიგრძე ეკლესიის ნანგრევებიდან ტბამდე შეადგენს 14 კმ-ს.
შენიშვნა: ბილიკის დასალაშქრად საჭიროა 2 დღე - ერთი დღე საჭიროა ტბიყელის ტბამდე ასასვლელად, მეორე დღეს კი საჭიროა ცხემვანის ვიზიტორთა თავშესაფართან დასაბრუნებლად.
ბილიკის შესახებ დეტალური ინფორმაციის მისაღებად დაგვიკავშირდი - 577 59 21 12
National Parks of Georgia
ტბიყელის ტბა რომ დავინახე, ვფიქრობ მაშინ შემიყვარდა კინტრიში. კოხტა, ცოტათი მოყინული ტბიყელი და მის ირგვლის ჩავარდნილი ღრუბლების ზღვა, აქეთ კი, მზის ჩასვლა - საოცრად ემოციური სანახაობა იყო.
პირველად, ამ ადგილს 2016 წელს ვეწვიე. მახსოვს, როგორ აღმაფრთოვანა კინტრიშის შერეულმა ტყემ. მაშინ ვთქვი, რომ ეს ტყე ჩემთვის ერთ-ერთი ფავორიტი გახდა, ნანახ ტყეებს შორის, და მას შემდეგ, არც არაფერი შეცვლილა.
" I think, I fell in love with Kintrishi when I saw Lake Tbiyeli. Graceful, little frozen lake, the sea of clouds falling around it, and the sunset - it was a wonderful emotional sight. For the first time, I visited this place in 2016. I remember how excited I was when I saw the mixed forest of Kintrishi. Then I said, this forest has become one of my favourites among the forests I've seen, and nothing has changed since then.
ფასიანი სერვისები
საქართველოს ეროვნულ პარკებში თქვენ შეგიძლიათ ისარგებლოთ ფასიანი ეკოტურისტული სერვისებით.
მეტის ნახვა